በላቀ አመራር ዙሪያ ሲሰጥ የነበረው ስልጠና ተጠናቀቀ

ግሎባል ባንክ ኢትዮጵያ በላቀ የአመራር ሰጭነት Advanced Leadership Training ዙሪያ ለባንኩ ከፍተኛ የስራ ኃላፊዎች ለተከታታይ ሶስት ቀናት በስካይ ላይት ሆቴል ሲሰጥ የነበረውን ስልጠና ጥር 15 ቀን 2018 ዓ.ም አጠናቋል፡፡

ስልጠናው ከአልቲሜት የማማከር አገልግሎት ጋር በመተባበር የተሰጠ ሲሆን የባንኩን ሁለንተናዊ የአመራር አቅም ይበልጥ ለማጠናከር፣ የውሳኔ አሰጣጥ ጥራትን ለማሻሻል እና በተለዋዋጭ የባንክና የፋይናንስ ዘርፍ ውስጥ በተቀመጡ መለኪያዎች ሁሉ የላቀ አመራር የሚሰጡ መሪዎች እንዲኖሩ ማስቻል የስልጠናው ዓላማ መሆኑ ተነግሯል፡፡

ዘመኑን የዋጀ አመራር ባህሪያት፣ ስትራቴጂካዊ አመራር፣ የቡድን መሪነት እና የተግባቦት ክህሎት፣ እንዲሁም ውጤት ተኮር አመራር ስልጠናው ትኩረት አድርጎ ካጠነጠነባቸው ርዕሶች መካከል ናቸው፡፡

ግሎባል ባንክ ኢትዮጵያ ለሰራተኞቹ እና ለከፍተኛ የሥራ ኃላፊዎች የተለያዩ የአጭር እና የረዥም ጊዜ ስልጠናዎችን በማሰናዳት እየሰጠ የሚገኝ ሲሆን የዛሬው ስልጠና የባንኩን ተቋማዊ የአመራር አቅምን በማጠናከር የተጀመረውን የስኬት ጉዞ አጠናክሮ ለማስቀጠል አይነተኛ ሚና ይጫወታል ተብሏል፡፡

ግሎባል ባንክ ኢትዮጵያ
ለጋራ ስኬታችን!